‘ओलीको लागि धरहराबाट हाम फाल्न तयार छु’ अब प्रधानमन्त्रीले सचिवालय फेर्नुपर्छ – महेश बस्नेत (भिडियाेसहित)

भिडियो

काठमाडौं । महेश बस्नेत, पूर्व मन्त्री तथा नेपाल कम्युनिष्ट पार्टी (नेकपा)का जुझारु युवा नेता । मुलुकमा गणतन्त्र स्थापना भएयता राजनीति वृतमा कुनै न कुनै कोणबाट चर्चा भइरन्छ बस्नेतको । उभार अवस्थाको माओवादीले २०६६ सालको अन्त्यतिर राज्यसत्ता क’ब्जा गर्ने उद्घोषसहित काठमाडौं उपत्यकामा गरेको विशाल प्रदर्शन ति’तरबि’तर पार्न बस्नेतको स्मरणीय भूमिका रह्यो । त्यसले बस्नेतको राजनीतिक हैसियत समेत बढायो ।

नेकपा एमालेको ९ औं महाधिवेशनमा केपी ओलीलाई अध्यक्ष बनाउन पनि बस्नेतको सक्रियता रह्यो । ओलीलाई अध्यक्ष बनाउन खेलेको भूमिकाकै कारण २०७० साल मंसिर ४ गते भएको संविधानसभाको द्राेसाे निर्वाचनमा पराजित भए पनि बस्नेतलाई मन्त्री बन्ने अवसर जुर्यो । मन्त्री बनेपछि भने बस्नेतको चर्चा क्रमश ओसिँदै गयो । राजनीति वृतमा अहिले फेरि बस्नेतको चर्चा भइहेको छ ।

समाजवादी पार्टी र राष्ट्रिय जनता पार्टीका नेताहरुले बस्नेतलाई सांसद अ’पहरण गरेको आरोप समेत लगाएका छन् । बस्नेत तथा नेकपाका अर्को सांंसद किसान श्रेष्ठ र पूर्व प्रहरी महानिरीक्षक सर्वेन्द्र खनालमाथि नवगति जनता समाजवादी पार्टीका सुरेन्द्र यादवसहितका केही सांसदलाई पार्टी फु’टाउनको होटलमा थु’नेर राखेको आरोप लागेको छ ।

Leave a Reply

Your email address will not be published. Required fields are marked *