कोरोनाको डरले मुम्बईदेखि दुई हप्ता हिडेर नेपाल आइपुगेको पाँचौं दिनपछि मृत्यु

स्वास्थ

जेठ ४,काठमाडौँ | कोरोना संक्रमणले भारत मा भयावह रुप लिएपछि आफ्नै देशमा बाचिन्छ कि भनि दुई साता हिडेरै बुधबार नेपाल आईपुगेका एक युवाको कोरोनाको कारण आइतबार विहान मृत्यु भएको छ । कोरोना भाइरस (कोभिड–१९)को संक्रमणबाट मृत्यु भएका बाँके नरैनापुरका २५ वर्षीय युवकको आइतबार बिहान क्वारेन्टाइनमै मृत्यु भएको हो ।

एउटा नेपाली उखान उनको लागि चरितार्थ भएझैँ भएको छ’हुने हार, दैव नटार’ अर्थात हुनुछ भने भएरै छाड्छ, कसैले टार्न सक्दैन । तर विज्ञानले यो उखानलाई मान्दैन । सायद उनको मृत्यु पछि धेरै उनका आफन्तले विश्लेषण गरेका होलान् कि’बरु उतै सुरक्षित बसेको भए ।

यति खेर कहाँ पुगेर कोरोनाबाट बाचिएला? भन्ने प्रश्न उठाइरहेकाहरुलाई नेपालका दोश्रो मृतकको ट्राभल हिस्ट्रीले स्पष्ट जवाफ दिएको छ कि जहाँ हुनुहुन्छ सकेसम्म त्यहि सुरुक्षित रहनुस् । नेपालमा पछिल्ला मृतक दुई साता लागएर नेपाल आईपुगेको बुझिएको छ । उनको मृत्युको कारण कोरोना संक्रमण भएको आधिकारिक पुष्टि समेत भइसकेको छ ।

कोरोना संक्रमित व्यक्तिलाई आत्मबल र सकेसम्म दैनिक स्वास्थ्यमा हेरचाह आवश्यक हुन्छ । त्यसो त प्राय सबै रोगिलाई नियमित हेरचाह र आत्मबल पहिलो आवश्यकता हो । तर आइतबार मृत्यु भएका युवकले त्यो पाउन सकेनन् । उनि कोरोनाबाट भारतमै संक्रमित थिए भन्ने कुरा स्पष्ट छ किनकि उनि गत बुधबार मात्र नेपाल आएका थिए । कोरोना संक्रमित व्यक्तिको तत्काल मृत्यु हुँदैन भन्ने कुरा कयौं अध्ययनले देखाईसकेको हुनाले पनि यस विषयलाई पुष्टि गर्न सकिन्छ ।

भारतमै संक्रमित युवक मुम्बईबाट नेपालका लागि हिड्नु अघिनै कोरोना संक्रमित थिए वा आउने क्रममा संक्रमित भए भन्ने एकिन गर्न सकिने कुरा होइन तर यो चाही भन्न सकिन्छ कि लामो समयको हिडाईको थकान र तनाबका कारण उनको मृत्यु हुनुमा बल मिल्यो । रोगकै त्रासले उनले त्यति लामो समय लगाएर स्वदेश आएका हुन् । संक्रमित व्यक्ति कति कष्टले नेपालसम्म आए, आउने क्रममा कति भोकै बसेका हुन सक्छन् । लामो पैदल यात्राका कारण उनको खुट्टा सुन्निएको थियो ।

शनिबार दिउसैदेखि बान्ता गरेका उनलाई राति एक्कासी ज्वरो आएको नरैनापुरको दीपेन्द्र मावि भोजभगवानपुरको क्वारेन्टाइनमा बसेकाहरुले बताएका छन् । तर समयमै उनलाई अस्पताल ल्याउने काम भएन । उनलाई स्वासप्रश्वासमा पनि उत्तिकै समस्या देखियो । एम्बुलेन्स खोज्दा खोज्दै उनको क्वारेन्टाइनमा मृत्यु भएको बताइएको छ । क्वारेन्टाइनमा बसेकाहरुले भने समय छँदै उनले उपचार नपाएर मृत्यु भएको बताएका छन् । उनीहरुका अनुसार शनिबार राति उनले लगातार दुई घण्टा वान्ता गरेका थिए । तर क्वारेन्टाइनमा खटिएका स्वास्थ्यकर्मीहरु समेत क्वारेन्टाइन स्थलमा थिएनन् । अस्पताल लैजान खोज्दा पीपीई नभएको भन्दै एम्बुलेन्स पनि आएन । त्यसोत उनको मृत्यु भएको ३/४ घण्टासम्म पनि स्वास्थ्यकर्मी र अन्य कर्मचारी घटनास्थलमा पुगेनन् ।

उनको मृत्युपछि क्वारेन्टाइन स्थल असुरक्षित भएको भन्दै अन्य क्वारेन्टाइनमा बस्नेहरुले घर पठाइदिन अनुरोध गरेका छन् ।

Leave a Reply

Your email address will not be published. Required fields are marked *