राजेश हमालको भाई राकेशलाई कस कसले काँग्रेसको झण्डा ओढाएर दिए श्रद्धाञ्जली हेर्नुहोस।

समाचार

काठमाडौं, ९ साउन । अभिनेता राजेश हमालका भाई राकेश हमालको शव स्वदेश ल्याइएको छ । उनको शवलाई आज पशुपति आर्यघाटमा कोइराला परिवारका तीनजना सदस्यहरुले एकैसाथ नेपाली काँग्रेसको झण्डा ओढाएर अन्तिम श्रद्धाञ्जली दिएका छन् ।

काँग्रेसका पूर्व विदेश विभाग सदस्य समेत रहेका हमाललाई महामन्त्री डा. सशांक कोइराला, केन्द्रीय सदस्यहरु सुजाता कोइराला र डा. शेखर कोइरालाले पार्टीको झण्डा ओढाएका हुन् । उनलाई अन्तिम श्रद्धाञ्जली दिन काँग्रेसका नेता तथा कार्यकर्ताका अलावा आफन्तहरु पशुपति आर्यघाट पुगेका थिए ।
कलेजोको समस्याका कारण आकस्मिक उपचारका क्रममा हमालको हिजो नयाँ दिल्लीमा निधन भएको थियो । उनको शवलाई आज काठमाडौं ल्याइएको थियो ।

यो अर्को समाचार
कोरोनाको आशंकामा अस्पतालले भर्ना नलिँदा एम्बुलेन्समै बिरामीको मृत्यु
विराटनगर– कोरोनाको आशंकामा विराटनगरका अस्पतालले भर्ना नगर्दा एक बिरामीको एम्वुलेन्समा डुलाउँदा डुलाउँदै मृत्यु भएको छ ।

उदयपुरको कटारी नगरपालिकाबाट स १ च १२०५ नम्बरको एम्बुलेन्समा राखेर उपचारका लागि विराटनगर ल्याइएका कटारी नगरपालिका ५ का २३ वर्षिय पदमबहादुर राईको मृत्यु भएको हो ।

पदमलाई शुक्रबार दिउँसो २ बजे विराटनगरको नोबेल शिक्षण अस्पतालमा पुर्याइएको थियो । तर अस्पतालले भर्ना लिन मानेन । श्वासप्रश्वासमा समस्या रहेको जानकारी गराएपछि उपचारका लागि लैजान भनेर स्ट्रेचरमा राखिसकिएका बिरामीलाई अस्पतालले त्यत्तिकै फिर्ता पठाएको एम्बुलेन्स चालक सुवास तामाङले बताए ।

चालक तामाङले बिरामीमा कोरोना संक्रमण नभएको पुष्टि गर्ने आधार खोजिएको र त्यो आफूहरुसँग नहुँदा नोबेलले लिनै नमानेको बताए ।

नोबेलले भर्ना गर्न नमानेपछि शुक्रबार दिउँसो २ः३० बजे कोसी अस्पताल पुर्याइएको थियो । कोशीले भर्ना लिन नमानेपछि उनको कोशी अस्पतालको इमर्जेन्सी कक्षकै सामुन्ने एम्बुलन्समै मृत्यु भएको छ । बिरामी लिएर आएका श्रीमती कमला र बहिनी चमेली एम्बुलेन्समै निकै बेरसम्म बेहोस भएका थिए।

तर उनीहरुलाई समेत कोशी अस्पतालका चिकित्सक तथा स्वास्थ्यकर्मीले वास्ता गरेनन् । उदयपुरबाट एम्बुलेन्स लिएर आएका चालक सुवास तामाङले पौने तीन बजे बिरामी अस्पताल ल्याइपुर्याएपछि इमर्जेन्सी वार्डका स्वास्थ्यकर्मीहरुले भर्ना गर्न नमानेको बताए ।

कोशी अस्पताल विराटनगरका मेडिकल सुपरिटेन्डेन्ट डा. चुमनलाल दासले बिरामी आएपछि स्वास्थ्यकर्मीले चिकित्सकलाई जानकारी गराएपछि आइसोलेसनमा स्वाव संकलन गर्ने तयारीमा रहेकै समयमा बिरामीको मृत्यु भएको बताए ।

स्वास्थ्यमा समस्या देखिएपछि पदमलाई बिहीबार कटारी अस्पतालमा भर्ना गरिएको थियो । उपचार सम्भव नहुने भन्दै कटारी अस्पतालले रेफर गरिदिएपछि विराटनगर ल्याइएको चालक तामाङले बताए ।

अस्पतालका कर्मचारी र चिकित्सकले एम्बुलेन्समा बिरामीको मृत्यु हुँदा तथा बिरामीका आफन्त बेहोस हुँदा पनि कुनै ‘रेस्पोन्स’ नगरेको चालक तामाङको गुनासो छ ।

कोशी अस्पतालकै आइसोलेसनमा रहेकी अर्का एक महिला बिरामीको पनि शुक्रबार मृत्यु भएको छ । इनरुवाबाट बिहीबार ल्याइएकी ४० बर्षिय जंगलीदेवी सरदारको कोशी अस्पतालकै आइसोलेसनमा मृत्यु भएको हो । मृतक राई र सरदार दुवैको स्वाब परीक्षण गरिने मेसु दासले बताए ।

Leave a Reply

Your email address will not be published. Required fields are marked *