मध्य राती भूकम्प… काठमाडौ थापाथली केन्द्रबिन्दु

समाचार

काठमाडौं । मंगलबार राति काठमाडौं उपत्यकामा भूकम्पको झड्का महसुस भएको छ । राष्ट्रिय भूूूकम्प केन्द्रका अनुसार राति ११ बजेर २७ मिनेट जाँदा २.७ रिक्टरस्केलको भूकम्पको धक्का गएको हो । सो सामान्य भूकम्पको केन्द्रबिन्दु थापाथली आसपास भएको पनि केन्द्रले जनाएको छ ।

काठमाडौं । मंगलबार बेलुका काठमाडौं उपत्यका लगायतका स्थानमा भूकम्पको झड्का महसुस भएको छ । आधिकारिक विवरण केहीबेरमा आउनेछ ।

यो अर्को समाचार।
रुसले आफूले विकसित गरेको कोरोनाविरुद्धको भ्याक्सिन बेच्ने प्रक्रिया सुरु, नेपालले कहिले पाउँछ ?

काठमाडौं। रुसले आफूले विकसित गरेको कोरोनाभाइरस विरुद्धको भ्याक्सिन विदेशमा बेच्ने प्रक्रिया पनि सुरु गरिसकेको छ । भ्याक्सिन विकासमा एकपछि अर्को फड्को मार्दै गएको रुसले यही अगष्ट महिनाको १० तारिखसम्म मुख्य भ्याक्सिनलाई प्रयोगको लागि इजाजत दिने र विदेश निर्यातको लागि सम्झौता गर्ने तयारी गरिरहेको बेलायती मिडिया द गार्डियनले लेखेको छ । यससँगै रुसले अक्टोबरदेखि देशमा ‘मास भ्याक्सिनेसन’ सुरु गर्ने तयारी गरेको छ ।रिपोर्टअनुसार रुसले सुरुमा यो भ्याक्नि निर्यातको लागि भारत, ब्राजिल र साउदी अरेबियासँग डील गर्ने भएको छ ।

यी देशहरुले रुसको भ्याक्सिन किन्न चासो देखाएको रुसी अधिकारीहरुले बताएका छन् । रुसले अर्को महिना अर्थात सेप्टेम्बरमा भ्याक्सिन उत्पादन सुरु गर्ने र अक्टोबरदेखि मास भ्याक्सिनेसन सुरु गर्ने जनाएको छ । रुसको भ्याक्सिनको खास विशेषता के हो भने यो भ्याक्सिनको ट्रायलमा विकासकर्ताहरु स्वयंले पनि यो भ्याक्सिन लगाएका थिए । साथमा उच्च पदस्थ स्वास्थ्य अधिकारीहरुले पनि भ्याक्सिन लगाएका थिए ।रुसको भ्याक्सिन विदेश निर्यात गर्ने तयारी भए पनि नेपालले कहिले पाउँछ भन्ने प्रस्ट छैन । भारतले रुसससँग सम्भावित सम्झौता गरेको अवस्थामा नेपालले पनि छिटै भ्याक्सिन पाउने सम्भावना हुन्छ ।

तर, भारतले कति परिमाणमा भ्याक्सिन आयात गर्छ र उसले आफ्नो देशमा भ्याक्सिनेसन नसकिँदै निर्यात गर्छ वा गर्दैन भन्ने कुरामा नेपालले भ्याक्सिन पाउने विषय निर्भर रहनेछ ।यदि भारतले रुसमा उत्पादित तयारी भ्याक्सिन आयात गरेको अवस्थामा नेपालमा यो भ्याक्सिन छिटै आउन कठिन हुन्छ र यदि आइहालेमा पनि महंगो पर्न जाने सम्भावना रहन्छ । तर, भारतले रुससँग फर्मुला किनेर भारतमै भ्याक्सिन उत्पादन गरेको अवस्थामा नेपालमा भ्याक्सिन आउन तुलनात्मक अवस्थामा सहज हुन्छ । यसबाहेक भारतले तयारी भ्याक्सिन आयात गरेको अवस्थामा नेपालले सिधै रुसबाट भ्याक्सिन आयात गर्नुपर्ने स्थिति पनि हुन सक्छ ।एजेन्सी

Leave a Reply

Your email address will not be published. Required fields are marked *